Зика вирусот е закана која на големо се прошири во делови на САД изминатата година и продолжува да се шири годинава. Светската здравствена организација предупреди дека постои опасност овој вирус да се прошири во други држави во светот. Прочитајте неколку факти што треба да ги знаете за овој вирус.
1. Зика вирусот го пренесуваат комарци и првите појави на истиот датираат во Африка и Азија уште во 50-тите години на минатиот век. Светската здравствена организација на почетокот на овој месец го прогласи вирусот Зика за интернационална закана.
2. Околу 80 проценти од заразените, не знаат дека во себе го носат вирусот, сè додека не се појават симптомите. А само еден од пет заразени искусуваат некакви очигледни симптоми.
3. Како една од најстрашните последици на овој вирус, се оштетувањата на мозокот кај бебињата, што се појавија во илјадници случаи во Бразил. Земјите каде се регистрирани повеќе случаи на овој вирус, ги советуваат жените да не забременуваат во овој период, со цел да се избегне опасноста за вакво заболување кај своите бебиња.
4. Зика вирусот се раѓа и вирее во најмногу во тропски делови, а последнава година се наоѓа и во јужна, централна и северна Америка.
5. Речиси цела територија на САД е во опасност да биде заразена од Зика вирусот, освен Чиле и Канада - само од причина што таму не живеат комарци.
6. Светската здравствена организација нагласува да не се патува во земји заразени со Зика вирусот и ги охрабрува заедниците да помогнат во контролирање на заразата, со локално уништување на комарците.
7. Еден од стравовите на СЗО се Олимписките игри - настан од таква рамка, на интернационално ниво, ќе придонесе пренесување на вирусот Зика на многу различни националности, а со тоа и ширење во многу земји во светот, каде до сега овој вирус не стигнал.
8. Нема лек за Зика вирусот - терапиите што се даваат на заразените се однесуваат на третирање на симптомите. Фармацевтските компании велат дека сè уште не се знае многу за вирусот, затоа е невозможно во моментов да се развие ефикасна вакцина против истиот.