Бидејќи за Доналд Трамп преговорите со Талибанците се веќе мртви, затоа сега тие ќе преговараат со Русија.
Авганистанските Талибанци испратија преговарачка екипа во Русија откако американскиот претседател реши дека нема повеќе иднина во преговорите помеѓу нив и САД.
Талибанците веќе оствариле средба со Замир Кабулов, назначен лично од Владимир Путин за проблемите во Авганистан. Средбата се случила во Москва.
Минатата сабота Трамп на својот Twitter профил објави дека ја откажал закажаната средна со талибанските и авганистанските лидери во Кемп Дејвид.
Русија влегува во игра, но не се очекува Путин да се одлучи да ја преземе главната улога од Трамп туку само да посредува за нови преговори помеѓу двете страни.