Минг-Чи Куо од компаниајта KGI е еден од најпознатите аналитичари што ја следат работата на Apple, а неодамна зборуваше за какви новитети треба да донесе новиот iPhone.
Смартфонот би требало да има екран со дијагонала од 5,8 инчи и во куќиште со големина колку актуелниот iPhone, пишува Apple insider. Куо објаснува дека употребливиот дел од екранот ќе има дијагонала од 5,15 инчи, додека во долниот дел ќе бидат виртуелните тастери кои би требало да бидат најголемите новитет на овој смартфон.
Куо не објаснува како Аpple го има дизајнирано долниот дел на екранот, но на него може да се очекуваат тастери наменети за активностите во рамките на апликациите, кои ќе може да се менуваат во зависност од апликациите што се користат.
Претходните информации говодеа за сензор за отисок на прстите кој ќе биде вграден во екранот, а Куо вели дека новиот iPhone би можел да добие и технологија за препознавање на лицата, што би овозможило автоматско отклучување.
Кај новиот iPhone се очекува и посилна батерија, двојна камера, водоотпорност, безжично полнење, како и нов посилен процесор.
Сепак, разочарување за фановите на Apple што размислуваат за купување на овој модел е што неговата цена веројатно ќе биде околу 1000 долари, а Куо потврдува дека новиот iPhone ќе биде еден од најскапите смартфони на пазарот.
.@Apple's '#iPhone8' to replace #TouchID home button with 'function area' https://t.co/zYl3vvfE7Y pic.twitter.com/qT8e1okOhs
— AppleInsider (@appleinsider) February 15, 2017
