Меѓународен тим од научници откри 883 скриени галаксии од кои една третина никогаш досега не се видени. Според International Centre for Radio Astronomy Research (ICRAR), галаксиите се лоцирани во област во вселената позната како Зона на избегнување.
Со помош на радио телескопот Parkes меѓународен тим од астрономи успешно пронајде стотици галаксии оддалечени 250 милиони светлосни години, на другата страна од Млечниот Пат, галаксијата во која се наоѓа Сончевиот систем.
„Млечниот Пат е прекрасен и навистина е многу интересно да се проучува нашата галаксија, но во целост го блокира погледот на оддалечените галаксии што се наоѓаат зад неа“, вели Листер Стејвели Смит, истражувач од ICRAR.
Како тогаш научниците успеаја да ги откријат овие галаксии?
Тие користеле радио телескоп со кој ги детектирале радио брановите од другите галаксии. ICRAR направи анимација со која илустрира каде галаксиите се пронајдени, во однос на нашата планета.
