Бостон, 17 октомври 2018 (МИА) – Со натпреварот Бостон - Филаделфија кој заврши со победа на домашната екипа, ноќеска беше отворена сезоната 2018/19 во најсилната светската кошаркарска лига.
До триумфот со 105:87 Бостон беше предводен од Џејсон Тејтум со 23 поени, девет скока и три асистенции и Маркус Морис кој оствари дабл-дабл ефект – 16 поени и 10 скокови.
Кај гостите од Пенсилванија се истакнаа Џоел Ембид со 23 поени и 10 скока и Бен Симонс со 19 поени и 15 скока.
На другиот натпревар од првиот НБА-лигашки ден во новото првенство, шампионот Голден Стејт ја совлада Оклахома Сити со 108:100.
Вечер во 1 часот по полноќ почнува богатата НБА вечер која ќе понуди 11 натпревари.
