Владата на Република Ирска изрази загриженост откако Долниот дом на британскиот Парламент вчеравечер го отфрли предлогот на премиерката Тереза Меј за Брегзит, оценувајќи дека Брегзит без договор би имало „лош исход за сите, не само во Северна Ирска“.
„За жал, резултатот од гласањето го зголемува ризикот од Брегзит без договор. Поради тоа Владата ќе продолжи со интензивни подготовки за таков исход“, стои во соопштението од ирската влада.
По синоќешното гласање, вредноста на британската фунта падна во однос на американскиот долар и на еврото, но веднаш потоа почна да се подобрува.
Како земја-претседавач со Советот на ЕУ, Романија повика на единство меѓу членките на ЕУ.
„Европската Унија ќе продолжи да се подготвува за најлошата варијанта на Брегзит“, изјави романскиот министер за надворешни работи.
Британија би требало да излезе од ЕУ на 29 март.
