Папата Франциско доцнеше на неговото неделно обраќање на плоштадот Свети Петар, објаснувајќи дека бил заглавен во лифт. По помалку од половина час го ослободиле пожарникарите, на кои јавно им се заблагодари.
„Морам да ви раскажам“, изјави насмеаниот папа кој на верниците им се обрати по извинување за доцнењето.
Тој раскажа дека во Ватикан снемало струја па останал заробен во лифтот додека не пристигнале пожарникарите да го спасат.
„Аплауз за пожарникарската единица“, замоли папата на плоштадот пред верниците.
Во обраќањето папата ги повика светските лидери да преземат драстични мерки во борбата со глобалното затоплување и да ја намалат употребата на фосилно гориво, велејќи дека светот се соочува со вонредни климатски промени, пренесува Guardian.
