Партијата на унгарскиот премиер Виктор Орбан, Фидес е суспендирана од Европска народна партија (ЕПП), соопшти претседателот на ЕПП, Жозеф Дол на Твитер.
Одлуката е донесена по долги часови партиски преговори и натегања помеѓу сите партии членки на Европската Народна Партија, одлуката е донесена.
– Фидес ќе биде суспендирана веднаш и до следно известување, по денешното гласање на членките на ЕПП, 190 гласа „за“ и три „против“, напиша Дол.
Тој прецизираше дека суспензијата значи дека Фидес, партијата на унгарскиот премиер, нема да може повеќе да присуствува на партиските средби, нема да има право на глас ниту да предлага кандидати за функции.
Орбан подоцна изјави дека доброволно се согласил привремено да го стопира учеството на својата партија Фидес во работата на Европска народна партија (ЕПП).
Тој тврди дека ЕПП се согласила да не ја исклучува или суспендира Фидес туку да и дозволи доброволно да учествува во работата на ЕПП додека независната комисија не го заврши прегледот на состојбата поврзана со владеење на правото во Унгарија.