Патнички авион на лет од Мумбај до Џајпур денеска се врати на аеродром по полетувањето поради губење на притисокот во кабината, објавија индиските медиуми.
Авионот со 166 патници и пет членови на екипажот на лет безбедно слетал назад во Мумбај каде им била пружена лекарска помош на 30 патници.
По полетувањето, патниците се пожалиле на болки во ушите и крварење од нос, па авионот се вратил назад откако достигнал висина од околу 3.000 метри.
Наводно, пилотите заборавиле да го регулираат притисокот во патничката кабина.
Од авиокомпанијата „Џет ервејс“ рекоа дека проблемот е во „одржувањето на притисокот во кабината“.
Екипажот на лет е суспендиран додека трае истрагата.