Магазинот People ја додели овогодинешната титула за најсекси татко на светот, на ѕвездата на филмот „Deadpool“, Рајан Рејнолдс.
Рејнолдс е татко на едногодишната ќерка Џејмс, која ја има со сопругата Блејк Лајвли.
Тој е најмал во семејство од четири браќа, па веста за добивање на девојче во неговата фамилија била исполнување на сонот. 39-годишниот Рејнолдс за магазинот вели дека иако никогаш не признал на сопругата, потајно се надевал на девојче, кога дознал дека Блејк е бремена.
Рејнолдс ја доби и титулата „најсекси маж во светот“ од People, во 2010-та година.
Актерот моментално е актуелен со промовирање на најочекуваните филмови месецов - екранизацијата на стрип херојот Дедпул, чија премиера во кино салите се случува денеска.