Љубовта е слепа, а често нè заслепуваат и работи кои никако не смееме да ги прифаќаме како нормални. Овие знаци покажуваат дека нешто не е во ред со вашата врска.
1. Не се радувате на неговиот повик
Името на личноста со која сте во врска треба да ви измами насмевка кога ќе го видите на екранот додека телефонот ѕвони, но ако почесто се мрштите кога ќе ви се јави, значи дека нешто не е во ред.
2. Секогаш ги ставате неговите потреби пред вашите
Во нормална врска односот треба да биде од прилика 50:50. Ако секогаш размислувате за тоа што тој сака и себе се ставате на второ место, а тој тоа мирно го прифаќа, не сте во врска добра за вас.
3. Сите негови ветувања се неисполнети
Ако постојано ветува работи кои никогаш не се остваруваат, тоа е знак дека манипулира со вас.
4. Постојано наоѓате оправдувања за неговото однесување
Некои работи може да се оправдаат, но кај некои треба да се подвлече црта. Ако за секое негово однесување барате оправдување и често себе се обвинувате, не сте во здрава врска бидејќи тоа дефинитивно не е нормално.
5. Самодовербата ви е урната
Добрата врска нè исполнува со самодоверба, а ако вашата е во постојан пад веројатно е така поради фактот дека прифаќате работи кои никако не смеете да ги прифатите.
