Неретко се случува жените преку ноќ себеси да се стават во втор план и тоа поради заљубеност, несигурност или нешто трето. Но, овие работи ниту една жена не би требало да ги промени за никого.
Поради овие пет работи жените не треба да прават компромис, без оглед на сè:
1. Промена на физичкиот изглед поради другите
Физичката промена нема да има никаков ефект ако ја направите поради партнерот, пријателката или друг член на семејството. Нова фризура или боја на коса, посекси облека или одењето во теретана треба да го правите лично поради себе, а не заради туѓото мислење.
2. Чекате одобрување
Треба да играте по сопствените правила и од никој да не чекате одобрување. Обидете се да бидете поодлучни, храбро да носите одлуки, без разлика што мислат другите. Секој знае што е најдобро за него.
3. Откажување од животната цел
Никој не смее да застане на патот на вашите желби и цели. На крајот на краиштата, тоа е ваш живот и никој нема да жали за направеното освен вие. Можеби сте се нашле во ситуација да одбиете деловна понуда или да запрете некој план поради нова љубовна врска, а на крајот сте останале и без партнерот и без новата работа. Ако од друга страна не сте добиле поддршка, можеби треба да се запрашате дали е вистинскиот за вас.
4. Откажување на веќе договорени планови
Понекогаш сме опкружени со луѓе кои секогаш себеси се ставаат на прво место и тоа го очекуваат од другите. Таквите односи не носат ништо добро и често ве доведуваат во ситуација поради нив да ги промените плановите, желбите и потребите. Ако тоа повторно се случи, обидете се да се сетите на тоа непријатно чувство и повторно ставете се себеси на прво место.
5. Не се менувајте за никого
Секогаш бидете тоа што сте, поради себе. Ако се одлучите за промени, тоа нека бидат поради подобар квалитет на вашиот живот, а не за да угодите некому.
