Пет лица ги загубија животите откако мал патнички авион од типот „Метролајнер“ се урна денеска по полетувањето од аеродромот во Валета, Малта, пренесуваат светските агенции.
Првичните информации дека авионот превезувал персонал на европската погранична агенција Фронтекс беа демантирани од страна на оваа организација. Авионот требало да лета за Мисрата, Либија, а овој тип на авиони може да пренесува до десет патници.
Според дневниот весник Times of Malta, авионот бил најмен од Луксембург за потребите на Фронтекс, но откако ова беше демантирано, нема нови информации околу тоа кои и од каде се загинатите во оваа авионска несреќа.
[jw: https://www.youtube.com/watch?v=3vUXYTzenOk]
