Челникот на Ал Каеда го убија припадниците на американските елитни специјални сили на 2 мај 2011 година, во неговата куќа во пакистанскиот град Аботабад.
CIA под хаштагот #UBLRaid на Twitter емитуваше информации за операцијата „како таа да се одвива во моментов“.
Објавени се и фотографии од куќата во Аботабад во која тајно живеел со семејството Осама бин Ладен, како и сега легендарната фотографија од „Собата за ситуации“ во Белата куќа снимена во моментот кога американските челници ја добиле потврдата дека водачот на Ал Каеда е убиен.
Фотографијата што Белата куќа ја објави по завршувањето на операцијата за ликвидирање на Осама бин Ладен, која го прикажува моментот кога американските челници дознале дека водачот на Ал Каеда е мртов, бездруго ќе влезе во историјата. Фотографијата го прикажува претседателот Барак Обама како седи лево на конференциската маса во„собата за ситуации“ и втренчено гледа во мониторот со директен пренос од операцијата на маринците. Тогашната државна секретарка Хилари Клинтон со раката ја покрила устата, очигледно шокирана. Американски генерал, со погледот фокусиран во мониторот, изгледа решително и задоволно.
По објавувањето на оваа фотографија, CIA објави „ 3:39 h EDT – Осама бин Ладен пронајден на третиот кат и убиен #UBLRaid“.
Меѓутоа, како што пренесува британскиот јавен сервис BBC, корисниците на Twitter оваа инсценација на американското разузнавање воопшто не ја сметаат за забавна. Некои корисници на мрежата оценија дека станува збор за „непрофесионално“, „гротескно“ и „непристојно“ одбележувањето на годишнината од убиството на бин Ладен, а во еден од твитовите стои „Агенцијата се погуби“.
