Петгодишно дете од село Порој, тетовско, во дворот се качило на трактор, го стартувало, а кога возилото тргнало, детето паднало од него и било прегазено од задните тркала, по што со повреди е пренесено во болница.
Вчера вечерта, таткото на детето А.М. (33) од село Порој, телефонски пријавил дека се наоѓа на хируршкото одделение во Клиничкиот центар Тетово, каде на неговиот петгодишен син му била укажана лекарска помош бидејќи се здобил со тешки телесни повреди при пад од трактор.
По укажаната помош детето било пренесено во Ургентен центар Скопје.
Од страна на екипа од ОУСН-Скопје со петгодишникот бил извршен разговор, при што било утврдено дека тракторот „ИМТ 538“, кој бил паркиран во дворот од нивната куќа, го стартувал и со истиот тргнал нанапред, при што паднал и бил прегазен со задното лево тркало.
Се преземаат мерки за целосно расчистување на случајот.