Peugeot пред официјалната премиера на автомобилскиот саем во Женева, ги објави првите фотографии од својот атрактивен концепт Instinct. Иако станува збор за дизајнерска студија, овој концепт сепак најавува некои новитети што ќе ги видиме на сериските модели во блиска иднина.
Главната дизајнерска идеја била слободата, а концептот има и опција за автономно возење, но нуди и одлично уживање во возењето.
Ова е прв автомобил кој доаѓа со функционална I.o.T. платформа, Samsung ARTIKTM Cloud го поврзува автомобилот со „cloud“ решение. Тоа значи дека автомобилот делува во целосна хармонија со сите уреди, а во возилот може да се интегрираат сите податоци што корисникот сака да ги сподели преку својот паметен телефон, паметен часовник или системот за автоматизација на домот.
Peugeot Instinct нуди четири начини на возење и тоа два активни (Drive Boost или Drive Relax) и два автономни (Autonomous Sharp ili Autonomous Soft). Француската компанија не откри детали за моторите што ќе се користат во автомобилот.
Новина е и Peugeot Responsive i-Cockpit кој го менува патничкиот простор за да ги задоволи потребите на возилото без возач. Опкружувањето може да се конфигурира пред или за време на возењето, а е целосно прилагодливо на желбите и потребите на корисникот.
Peugeot не најави кога овие технологии ќе се најдат во некои од сериските модели, но покажува дека напорно работат на нови решенија.
