Наскоро треба да се појави нова верзија на Adobe Photoshop CC, а компанијата неодамна објави тизер видео на YouTube во кое покажува една од новините што ќе бидат достапни.
Новата функција Content-Aware Crop е многу слична со алатката Content-Aware Fill, но новината е што сега функционира при кропирање на сликите односно при исправање на хоризонтот.
Пред оваа опција, фотографите мораа да прават компромис меѓу исправањето на хоризонтот и губењето на делови од фотографијата, и евентуалното клонирање на изгубените делови. Сега Photoshop автоматски ќе ги пополнува празните делови кои остануваат при исправањето на фотографијата.
Нема конкретна најава кога ќе се појави новата верзија на популарниот софтвер за едитирање на фотографии, но очекувањата се дека во следниот период ќе има уште неколку тизери, како и дека новата верзија ќе има неколку интересни трикови и опции.