Експерти од Институтот за применета математика во Москва ја решија мистеријата со еден од најмистериозните ракописи во светот. Станува збор за Војничевиот ракопис, за кој сега е откриено дека содржи два јазика.
Со години ракописот од 15 век претставува вистинска мистерија за научниците низ светот. Насловот го добива според полскиот трговец со книги, Вилфрид Војних, кој ја купил во 1912 во Италија. Се претпоставува дека е напишана во средновековна Италија меѓу 1404 и 1438 година.
Тим руски експерти откриле дека самогласките меѓу буквите се отстранети во текстот. Според нив, 60% од текстот е напишан на англиски или германски јазик, другиот дел е напишан на некој од романските јазици, како италијански или шпански, а можеби и на латински. Тие веруваат дека книгата е прв медицински прирачник за прва помош, со давање совети за оздравување и средновековна медицина.
Според Јури Орлов, невозможно е да се реконструира цел текст поради отсуството на самогласки, бидејќи се добива различна интерпретација на зборовите.