Откако iPhone 7 го означи крајот за класичниот отвор за слушалки, компанијата од Купертино сега би можела да го отстрани и Home копчето.
Аналитичар од компанијата KGI Securities која долго време важи за релевантен извор за информации за iPhone, пишува дека Apple планира да го отстрани физичкото Home копче и да го замени со сензор осетлив на допир кој би бил интегриран во екранот.
Компанијата наводно работи на замена за актуелниот Touch ID систем и за подобрување на дизајнот на екранот, како и за воведување на OLED екрани.
За моделот кој се спомнува како iPhone X најавуваат и сензори за скенирање на лицето кои би се користеле за идентификација. Технологијата за препознавање на лица би требало да ја замени технологијата за препознавање на лица.
Ако новиот модел навистина добие нов екран, нови сензори и ново поцврсто куќиште, отстранувањето на Home копчето, според аналитичарите ќе биде само споредна работа.
