Работнички синоќа загуби со 1:2 дома од Шкендија откако главниот судија на тетовчани им даде два пенала од кои вториот во 90-тата минута.
Клубот од Дебар Маало преку својот Twitter профил побара од ФФМ воведување на ВАР технологијата и на натпреварите од Првата лига. Инспирирани од тоа што токму судијата од овој натпревар наскоро ќе стане лиценциран ВАР судија, а им досуди два пенала против, Работнички побара во иднина и воведување на ВАР.
„Роматичарите“ беа рамноправен противник против актуелниот шампион и поведоа уште по само шест минути игра преку Николче Шаркоски. Потоа во 19-тата минута главниот судија Александар Ставрев досуди пенал за Шкендија кој успешно го реализираше Агим Ибраими.
Во последната минута од натпреварот Ставрев по вторпат покажа на белата точка во корист на гостите од Тетово, што ги разлути домаќините. Ибраими уште еднаш го совлада Дамјан Шишковски и донесе три бода.
Последнопласираниот Работнички веројатно го одигра својот најдобар натпревар сезонава, а на крајот остана со празни раце. Дека ФФМ навистина ќе воведе ВАР во домашниот фудбал, секако дека не, но Работнички има право во знак на револт да го искаже своето мислење за пеналите на Ставрев кој пак наскоро ќе се здобие и со лиценца за ВАР судија.
Инаку, лани и прилепска Победа бараше воведување на ВАР. Доколку клубовите навистина сакаат ВАР, прво треба да си ги средат стадионите на кои нема нормални тоалети, а камо ли услови за ВАР соба.
Во клубот Осогово од Кочани се свесни дека ВАР е научна фантастика за фудбалот во Македонија, па на комичен начин му реплицираа на Работнички:
