Хроника

Почина тешко повредената девојка во несреќата кај Ласкарци

20. март 2019 - 16:04 | МИА
Скопје, 20 март 2019 (МИА) – Почина 20-годишната девојка која во автобуската несреќа на 13 февруари кај Ласкарци, беше тешко повредена и хоспитализирана на Клиниката за анестезија, реанимација и интензивно лекување (КАРИЛ). Ова за МИА попладнево го изјави раководителот на КАРИЛ, д-р Маја Мојсова.

Поради сериозноста на повредите на девојката ѝ беа извршени неколку операции и ѝ беше ампутирана ногата.

– Девојчето имаште тешки телесни повреди. Четириесет дена водевме борба за нејзиниот живот. Имаше многу повредени системи, нагмечувања…Се боревме за нејзиниот живот, за жал, не ја добивме битката, рече д-р Мојсова и додаде дека изразуваат сочувство до семејството на девојката.

Починатата девојка е 16-та жртва во несреќата кај Ласкарци. 

Коментирај