Останати спортови

Почна 39-то издание на релито Дакар

3. јануари 2017 - 9:37 | Макфакс

Со првата етапа, во должина од 454 километри, од Асуснсион (Парагвај) до Ресистенција (Аргентина) почна 39-то издание на релито Дакар. Ал-Атијах кај автомобилистите и Гарсија кај мотоциклистите победија на првата етапа, на релито кое деветти пат се одржува во Јужна Америка.

Најтешкото светско рели, Дакар, стартуваше од Парагвај. Оваа година на програмата ќе бидат 12 етапи, а учесниците ќе минат повеќе од 9.000 километри.

Првата етапа во конкуренција на автмобилите ја доби Насер Ал-Атијах, а зад него беа Шпанците Понс, Рома и Карлос Саинц.

Педреро Гарсија, на КТМ, победи во конкуренција на мотоциклистите, откако најбрзиот Ксавиер де Солтраир заработи казна поради пребрзо возење.

Првата етапа во конкуренција на квадови ја доби Бразилецот Марсело Медерлос, Тим Корнер од Холандија славеше во трката на УТВ возилата, а кај камионите етапата му припадна на Чехот, Мартин Коломи.

Втората етапа од Ресистенција до Сан Мигел де Такумана е долга 803 километри, а ќе се вози во денеска.

Коментирај