Почна Октоберфест

Денеска во Минхен, со големи мерки за безбедност, стартуваше Октоберфест. Најпознатиот светски фестивал на пивото го отвори  градоначалникот Дитер Рајтер, а првата кригла ја отвори баварскиот премиер Хорст Зехофер. 

Поради стравот од терористички напади, ова 183-то издание на фестивалот почна со големи мерки за безбедност. Претресувањата се детални, забрането е внесување големи торби, а целиот простор под кој се одржува фестивалот е покриен со безбедносни камери. 

Очекувањата се дека годинава фестивалот ќе го посетат повеќе од шест милиони луѓе.