Од Сеизмолошката опсерваторија во Скопје соопштено е дека во источните делови на Македонија е почувствуван земјотрес од 3 степени според Европската макро-сеизмичка скала–1998.
Епицентарот на земјотресот бил 200 км североисточно од Скопје, во соседна Бугарија, а бил почувствуван вчера вечерта во 20.48 часот.
Земјотресот бил регистриран од телеметриската сеизмолошка мрежа на Република Македонија, со станици во Скопје, Штип, Валандово, Битола, Охрид и Крушево, одржувана од Сеизмолошката опсерваторија при Природно-математичкиот факултет во Скопје.