Хенингсвер е мало рибарско село во Норвешка со една многу интересна атракција – најчудниот стадион на светот.
Истоимениот стадион всушност е само фудбалски терен, со оглед на тоа дека поради несекојдневната локација просторот е ограничен и нема трибини.
Тоа значи и дека многу внимателно се шутира на теренот, ако сакате пак да ја видите топката.
Стадионот Хенингсвер се наоѓа на најрамната површина на островот каде живеат околу 500 луѓе.
Има само неколку импровизирани места за седење, а теренот е опкружен со стрмнини и мала асфалтирана патека.
Тоа не значи дека овој стадион не е посетуван – тука тренираат рекреативци и деца, а често го посетуваат и љубопитни туристи.
Островот од 2007 година е поврзан со копното, па тоа придонесе за полесен пристап до оваа несекојдневна атракција што ги привлекува љубителите на фудбалот, но и „обичните“ посетители на Норвешка.
