Поп-кралицата Бијонсе блесна на синоќешниот MTV настан, на кој беа наградени најдобрите музички видеа во индустријата за изминатата година. Бијонсе беше номинирана за 11 награди, а дома однесе вкупно 8. Но она за што најмногу се зборуваше е нејзиниот настап на оваа церемонија.
Пејачката изведе на сцената комбинација од пет нејзини песни - започна со „Pray You Catch Me” а продолжи со „Hold Up” каде мафаше со бејзбол палка, како и во спотот, што резултираше со рушење на една од камерите на сцената.
Потоа ја видовме како ги изведува „Sorry” и „Don’t Hurt Yourself“, а настапот го заврши со „Formation” .
Погледнете го нејзиниот целосен настап во видеото подолу: