Еден од најубавите автомобили во светот, Lamborghini Miura, дебитираше во 1966 година, а се произведуваше се до 1973 година и сега слави 50-ти роденден. Кога се појави пред половина век, тоа беше најбрзиот сериски автомобил на светот.
Во почетокот силата ја добиваше од 3,9 литарскиот V12 мотор со 350 коњски сили, за потоа во 1969 година силата да му се зголеми за 20 коњи, додека финалната верзија Miura SV од 1971 година имаше 385 коњски сили.
За дизајнот беше задолжена куќата Бертоне, а автомобилот во текот на седумте години производство доживеа мали стилски промени.
Во чест на јубилејот, Lamborghini организираше симболично возење по алпските патишта со два примерока од овој автомобил кои се дел од музејот на италијанската компанија.
Автомобилите возеле по познатиот планински превој Сент Бернард во знак на сеќавање за воведните кадри од филмот The Italian Job од 1969 година.
