Вицепремиерот и министер за надворешни работи Никола Попоски се сретна со специјалниот претставник за Југоисточна Европа, Турција и државите на ЕФТА во рамките на министерството за надворешни работи на Германија, амбасадорот Кристијан Хелбах.
На средбата беше истакната потребата од зајакнување на европската интеграција во насока на долгорочна стабилност и просперитет на регионот.
Попоски потенцираше дека неопходно е да се насочи енергијата дома и кај нашите партнери кон тоа Република Македонија да добие гаранции дека членството во ЕУ е достижна цел за оваа генерација македонски граѓани, во догледно време.
„Внатрешните предизвици во Унијата, мигрантската криза и заканите од екстремисти се добар потсетник за тоа колку сме ние поврзани со ЕУ“, истакна Попоски.
Hа средбата беше рeафирмирана поддршката од Германија на нашите напори кон европската интеграција.
