Кет Зингано, поранешна ММА ѕвезда, ја тужи славната актерка Хали Бери, тврдејќи дека се откажала од важна УФЦ борба само за да се појави во нејзин филм, но на крајот е исклучена и од УФЦ и од филмот.
Станува збор за филмот Bruised во режија на Бери, премиерно прикажан на Интернационалниот фестивал во Торонто минатата година, а на Netflix би требало да излезе на 24 ноември.
Познатата актерка дебитира како режисерка, но и ја толкува главната улога.
ММА ѕвездата тврди дека Бери ја замолила да се појави во филмот, а во тужбата наведе дека постојат сличности меѓу нејзината животна приказна и сценариото на филмот.
Откако Зингано добила понуда за УФЦ борба во октомври , 2019 година, Бери ја известила дека поради безбедносни причини не може истовремено да се бори и да учествува во филмот.
„Зингано била растргната меѓу две големи шанси за напредување во кариерата, борба за освојување титула и шанса што се случува еднаш во животот, да биде во филм со Хари Бери во кој приказната верно го претставува животот на спортистката“, се наведува во тужбата.
Зингано го извести УФЦ дека нема да учествува во борбата, по што доби отказ во 2019 година. Две недели подоцна, Бери ја известила дека не може да се појави во филмот бидејќи може да учествуваат само борци на УФЦ и оттогаш и ја прекинала комуникацијата со Зингано.