Лавот Сесил кој беше еден од иконите на дивината во Зимбабве, стекна светска популарност откако беше убиен минатото лето од еден американски стоматолог со пасија за ловење. Гневот на луѓето дека лавот е убиен од „забава“ предизвика голема дебата против ваквиот тип на активности за богатите.
Брент Стапелкамп, истражувач и фотограф го следел Сесил девет години, а сега доби признание дека е последниот што го фотографирал познатиот лав, пишува Bokeh.
„Илјадниците часови што ги поминав со лавовите значи дека имам уникатна перспектива за нивните животи и за заканите со кои се соочуваат“ - вели Стапелкамп кој постојано објавува атрактивни фотографии од лавови и останатите диви животни на неговиот профил на фотографската страница 500px.