Првата недела од велигденскиот пост се поминува во пост на вода, а на луѓето секогаш им недостасуваат идеи за подготовка на вакви јадења.
По тој повод ви носиме одличен рецепт за посни плескавици на вода. Се прават од 3 вида снегулки, лук и булјон. Меки и сочни, овие посни плескавици ќе ве воодушеват уште при првиот залак.
Потребни состојки:
- 1 кромид
- 150 гр јачменови снегулки
- 150 гр 'ржани снегулки
- 200 гр овесни снегулки
- 1 коцка за супа од зеленчук
- 3-4 чешниња лук
- 400 мл вода
- 1 лажичка мелена пиперка
- сол
- бибер
- блага пипер
Подготовка:
Во тавче на вода пропржете го ситно сечканиот кромид, а кога ќе омекне додадете толчен лук и сите снегулки. Сипете уште вода, па додадете ја коцката за супа. Зачинете по желба, сол, бибер и блага пипер се задолжителни, а по желба можете да додадете и други зачини, како и сусам. Гответе додека снегулките не омекнат и повремено проверувајте дали треба да се додаде уште вода.
Истурете ги состојките во блендер и добро измешајте. Обликувајте плескавици и наредете ги на плех обложен со хартија за печење.
Покријте со алуминиумска фолија и печете во загреана рерна на 220°C околу 20 минути. Потоа отстранете ја фолијата, прелијте со чаша вода и печете уште 10 минути.
Гарнирајте со зелена салата или некоја друга по ваш избор.
