Потребно е:
200 гр макарони
30 гр брашно
1 главица кромид, ситно секан
1/2 лажиче сенф
сол, бибер
600 мл млеко
400 гр варена брокула, ситно сецкана
250 гр шунка
100 гр рендан кашкавал (гауда, ајдамер или сл.)
2 лажици путер
50 гр лебни трошки
Подготовка:
– Сварете ги макароните според упатството на пакувањето. Исцедете ги и префрлете ги во намастена огноотпорна тава.
– Во еден сад измешајте ги брашното, кромидот, сенфот и сол и бибер. Садот ставете го на рингла и полека додавајте млеко со постојано мешање. Варете го на средна температура 10-15 минути, односно додека не се згусне. Вака подготвениот сос прелијте го преку макароните.
– Во макароните додадете ги и сецканата брокула, сецканата шунка и изренданиот кашкавал.
– Во помало тенџерче на рингла растопете го путерот и тргнете го на страна. Додадете ги лебните трошки, убаво измешајте и прелијте преку макароните.
– Ставете да се пече во претходно загреана рерна на 170 целзиусови степени околу 40 минути.
