Шпанскиот врховен суд денеска ја потврди одлуката на Судот во Барселона со која фудбалерот на Барселона Лионел Меси се казнува со затворска казна од 21 месец заради затајување данок.
Отфрлени се жалбите на Аргентинецот на пресудата од минатата година, додека на неговиот татко Хорхе му е ублажена казната на 15 месеци, откако беа осомничени дека затаиле 4,1 милиони евра за време на маркетиншки активности меѓу 2007 и 2009 година.
Според шпанскиот закон, доколку претходно немале слични прекршоци и ако казната е под две години, пресудата ќе можат да ја служат надвор од затвор.
„Бев посветен на фудбалот, му верував на својот татко и адвокатите и нив ги овластив да се занимаваат со тие работи. Не помислив дека би можеле да ме измамат и не верувам во тоа“, рече Меси пред судот.
Адвокатите на Меси подготвуваат нова жалба и на оваа одлука.
