Националниот музеј во најразурнатиот сириски град после цели седум години повторно е среден и достапен за јавноста.
Во четврток вратите од музејот во Алепо се отворија за посетителите првпат откако во 2012 година беше затворен поради големите воени судири кои се водеа во самиот град.
Музејот во Алепо е основан во 1931 година и се наоѓал во мала палата од отоманскиот период. Во 1966 година палатата била урната и изградена модерна здрага од југословенските архитекти Здравко Бреговац и Вјенцеслав Рихтер. Во него се наоѓаат артефакти од доцниот бронзен период, железното време како и од класичниот период.
Бројни археолошки наоѓалишта во земјата имаат свои претставници во овој музеј вклучувајќи и артефакти од североистона Сирија.
Во 2016 година музејот претрпе тешки оштетувања откако беше погоден со неколку проектили. Поголемиот дел од артефактите беа на време изнесени, освен оние потешките кои останаа на милост и немилост на војната.