Српските медиуми јавуваат дека актерот бил приведен откако купил дрога од познаник и бил приведен во полиција.
Како што јавуваат српските медиуми, синоќа бил уапсен актерот Сергеј Трифуновиќ. Причина за апсењето е поседување на неколку грама недозволена супстанција.
Трифуновиќ, наводно, бил приведен околу 20 часот во Вождовац, откако наводно купил дрога од познаник, а уапсен е и човекот кој му ја продал дрогата.
„Кај него е пронајдена одредена количина на наркотици, која при апсењето е одземена“, велат извори за српски Informer, наведувајќи дека и двајцата се приведени во полиција.
Српскиот актер и лани во октомври заврши зад решетки. Трифуновиќ тогаш бил приведен бидејќи одбил да плати парична казна, која му била заменета со затворска казна, пишуваат српските медиуми.
Да потсетиме, минатото лето актерот доби една година забрана за влез во Хрватска и во Европската Унија. Забраната е поради неколку прекршоци што ги направил во Сплит.
Засега ниту актерот ниту неговите претставници не се огласиле за новото апсење.
Српскиот актер се прослави со улогите во филмовите Убиство с предумишљајем, Стршљен, Спаситељ, Муње!, Кад порастем бићу кенгур, Караула и серијата Црни Груја.