Четири пожари избувнале утринава на грчкиот остров Тасос, а заради сериозноста на ситуацијата биле евакуирани четири села во областа Принос Кавазити и Св. Пантелејмон, пишува интернет страницата greekreporter.com.
Властите претпоставуваат дека пожарите биле предизвикани од удар на гром.
Како што јавуваат грчките медиуми, ударите на громови се случиле во краток временски интервал, речиси истовремено.
Во гаснењето на пожарот се ангажирани 106 пожарникари со 37 возила. Пожарникарите стравуваат дека огнот би можел да се прошири.