Денеска во просториите на ФФМ беа извлечени паровите за трите бараж натпревари за пополнување на втората лига.
Откако синоќа заврши сезоната во второлигашката конкуренција и во сите пет третолигашки групи, се комплетираа и сите шест учесници во баражот. Од втората лига претставник е прилепска Победа која заврши на 12-тото место, додека од третите лиги претставници се шампионите на сите пет групи. Четири веќче некое време без познати, додека синоќа се потврти победникот на северниот регион, екипата на Куманово.
ФФМ денеска преку жрепка ги одреди паровите, како и местата на одигрување на натпреварите.
Стадион „Борис Трајковски“ во Скопје
Вардарски (3.МФЛ Исток) - Кораби (3.МФЛ Југозапад)
Стадион „Ѓорче Петров“ во Скопје
Победа (2.МФЛ) - Куманово (3.МФЛ Север)
Стадион „Петар Милошевски“ во Битола
Влазрими Ј (3.МФЛ Запад) - Борец (3.МФЛ Југ)
Сите натпревари се играат в сабота со почеток во 17:00 часот. Делегирањето на судиите ќе биде извршено во текот на неделава.
