Новиот модел на Huawei со ознака P40 ќе биде претставен во март 2020 година.
Исто како и претходните два модела, и P40 ќе излезе во март наредната година, а оваа информација ја потврди директорот на Huawei задолжен за продажба, Ричард Ју.
Тој, во интервју за францускиот веб-сајт за технологија Frandroid откри дека новиот смартфон официјално ќе биде претставен на саемот во Париз.
Точниот датум засега не e познат, но Ју го нарекува новиот смартфон „со досега невиден дизајн“, со кој ќе се разликува од останатите смартфони кои се нудат на пазарот.
P40 ќе користи Android 10 од Huawei EMUI interface наместо HarmonyOS.
Доколку Америка не ја повлече забраната, новиот смартфон нема да има пристап до Google Play Store или другите услуги на Google.
