Деновиве имаше многу шпекулации за евентуалните спецификации на новиот врвен модел на Samsung - Galaxy S8 Plus. Сега тие стивнаа бидејќи еден од најпознатите информатори за нови смартфони објави конечна листа на хардверот.
Иван Блас преку својот Twitter профил ја објави листата за спецификациите на поголемиот од двата претстојни уреди на јужнокорејскиот производител.
Galaxy S8 Plus ќе има камера со 12 мегапиксели и 4GB RAM, а во претходните шпекулации се спомнуваше и опција со 6GB RAM, но според сегашните информации тоа е неточно.
Од друга страна, уредот ќе може да се вика и фаблет, бидејќи ќе има 6,2 инчен екран, а колку за споредба ланскиот Galaxy S7 Edge има екран од 5,5 инчи.
Samsung Galaxy S8+ spec sheet. Impress your friends, confound your enemies...with knowledge. pic.twitter.com/lHrHge8BUa
— Evan Blass (@evleaks) February 22, 2017
Поголемиот екран е возможен и благодарение на исфрлувањето на Home копчето и логото на Samsung.
Другите спецификации вклучуваат 64GB внатрешна меморија со можност за проширување со microSD картичка, скенер за очите, отпорност на вода и прашина и без жично полнење.
Galaxy S8 Plus и помалиот Galaxy S8 би требало да се најдат во продажба на 21 април.
