Конечно е познат датумот за премиерата на „The Gray Man“, најскапиот филм на Netflix досега.
Проектот е најавен уште во 2020 година, кога беше откриено дека Рајан Гослинг и Крис Еванс ќе глумат во акционен трилер сличен на филмовите од серијалот за Џејмс Бонд. Но, тоа што привлече најголемо внимание е фактот дека филмот има буџет од 200 милиони долари, што го прави најскап проект на Netflix досега.
Сега конечно е познато кога филмот ќе биде прикажан, откако проектот се соочи со доцнење поради пандемијата со коронавирусот. The Gray Man во британските киносали ќе биде прикажан на 15 јули, а на стриминг платформата една недела подоцна, на 22 јули.
Филмот е во режија на Џо и Ентони Русо. Џо Русо претходно зборуваше јавно за проектот, споредувајќи ја филмската хемија меѓу Гослинг и Еванс со онаа на Ал Пачино и Роберт Де Ниро во „Heat“.
„Филмот е фантастичен, електричен. Мина долгов време откако сме гледале ваков филм. Имаме две филмски ѕвезди кои се борат еден против друг како Де Ниро и Пачино во Heat“, изјави Русо во интервју за Variety на премиерата на филмот „Spider-Man: No Way Home“.
Крис Еванс се појавува како негативец, а Русо смета дека е добро да го видиме во обратна ситуација.
„Тој е добар социопат во филмот, звучи доста забавно така што мислам дека на публиката ќе и биде прилично интересно“, смета Русо.
Покрај Гослинг и Еванс, во филмот ќе ги видиме Ана де Армас, Реге-Жан Пејџ, Били Боб Тортон и други.
