Осум деца се убиени во напад пред училиште во источната кинеска провинција Хубеj, а уште две се повредени. CNN пишува дека сè уште не е познато зошто се убиени децата.
Според локалните власти, 40-годишниот Ју ги нападнал учениците пред основното училиште во 8 часот наутро, додека децата пристигнувале на настава. Полицијата веднаш го привела напаѓачот.
Ова не е прв случај на напад пред училиште во Кина. Во октомври минатата година, жена со нож нападна најмалку 14 деца во градинка во Чонгќинг.