Пешак од село Дреново е прегазен во сообраќајка што се случила вчера во 13.30 часот на регионалниот пат Кавадарци – мотел Дреново, на мостот на Црна река кај село Возарци.
Автомобил „пунто“ со струмички регистарски ознаки со којшто управувал триесет и едногодишен струмичанец прегазил педесет и седумгодишен жител на Дреново.
Од здобиените повреди, пешакот починал на лице место. Увид извршила екипа од Полициската станица Кавадарци.