Вчера околу 11:30 часот на крстосница од улиците „Нов живот“ и „Клисурска“ во Скопје непознато патничко возило, управувано од непознат возач, удрило во пешакот Т. С. (72) од Скопје.
Од ударот Т. С. се здобила со тешки телесни повреди и била пренесена во Градската општа болница „8-ми Септември“, каде што во 15:30 часот била констатирана смрт.
Увид бил извршен, а по наредба на Јавен обвинител телото на починатата било дадено во институтот за судска медицина на обдукција.
Се преземаат мерки за пронаоѓање на возачот и возилото и за целосно расчистување на случајот.
