Кога времето е врнежливо, нема многу причини за радост. За среќа, дизајнерски тим од Сеул размислуваше на ова и проба да го разубави градот на многу луѓе кои живеат за време на тринеделните монсунски врнежи.
Секоја година во Сеул има монсунски врнежи кои траат цели три недели кои ги тераат луѓето да останат во своите домови додека временските услови не се подобрат.
Со таа цел, тим од дизајнери од Школата за уметност од Чикаго заедно со компанијата за производство на боја Pantone ги здружија силите и го формираа Project Monsoon, проект кој треба да им го разубави овој период на жителите на Сеул.
Тие нацртаа големи, прекрасни мурали на улиците на овој град и ги обоија со хидрохромична боја која станува видлива само кога ќе се намокри.
Муралите се инспирирани од важноста на реките во јужнокорејската култура и на нив се нацртани риби со боите на виножитото, желки, па дури и розови китови. Деловите од улицата каде најчесто се формираат вирови се офарбани со светло-сина боја.
Сликите покажуваат како Сеул ќе изгледа пред и по врнежите.
Проектот постави и онлајн галерија во која се претставени сликите, и сите фотографии и видеа се сместени на социјалните мрежи под хаштагот #ProjectMonsoon. Луѓето можат да одредат каде се наоѓаат сликите и доколку сакаат, да ги посетат овие локации.