Honda ги објави деталите и официјалните фотографии од европската верзија на Civic хечбек.
Дизајнот не е изненадување со оглед на тоа дека сериската верзија речиси и не се разликува од прототипот прикажан во март на автомобилскиот саем во Женева.
Исто како и американската верзија и европската ќе се произведува во Британија. Новата генерација е дури 130 метри подолга, 30 милиметри поширока и 20 милиметри пониска од претходниот модел.
Благодарение на тоа и зголеменото меѓу оскино растојание, автомобилот нуди поголем комфор за патниците, а багажникот остана ист како и кај претходникот, па е 478 литри.
Дизајнот на ентериерот е значително променет, па сега централната конзола е понагласена, а нова позиција има и екранот од мултимедијалниот систем. Инструмент таблата се состои од екран во три дела, а најважните податоци се прикажуваат во форма на аналоген бројчаник.
Засега е познато дека новиот Civic во Европа ќе има понуда од три мотори. Новиот 3-цилиндарски 1.0 литарски бензински мотор ќе испорачува 129 коњски сили, додека достапен ќе биде и бензинскиот 4-цилиндарски 1,5 литарски VTEC мотор со 182 коњски сили.
Дизел понудата ќе биде 1.6 литарскиот i-DTEC мотор кој кај актуелната верзија испорачува 120 коњски сили, а би можел да биде подобрен и засилен за новиот модел.
Новата Honda Civic ќе биде изложена на претстојниот саем во Париз, а во продажните салони ќе стигне на почетокот на 2017 година.
