Нов Зеланд ќе ги забрани сите типови полуавтоматско оружје и пушки по терористичкиот напад во Крајстчерч, вети премиерката Џасинда Ардерн.
Оваа изјава доаѓа по минатонеделниот терористички напад во кој Брентон Тарант од Австралија уби 50 луѓе во две џамии. Новиот закон на сила ќе стапи до 11 април.
„Нашата историја засекогаш се промени, сега ќе се променат и нашите животи“, порача премиерката.
Полицијата потврди дека сите жртви во нападот се идентификувани. Тарант е единствениот обвинет за убиство, станува збор за самопрогласен бел супрематист кој ќе се соочи и со нови обвинувања.