Денеска ќе преовладува претежно стабилно време со повремен слаб дожд, особено претпладне, со температура од 14 до 18 степени Целзиусови, а во текот на претстојните Велигденски празници времето ќе биде променливо со поинтензивни врнежи.
Во сабота ќе биде претежно стабилно и потопло со температура од 18 до 25 степени Целзиусови.
Нови врнежи од дожд ќе има во недела попладне, кои локално ќе бидат поројни и проследени со ретки грмежи, особено кон крајот на денот и во ноќните часови. Температурата ќе се движи од 18 до 24 степени Целзиусови.
Врнежи ќе им и во понеделник попладне, а поинтензивни ќе бидат во текот на ноќта кон вторник, кога локално се очекува да наврнат и над 50 л/м2. Температурата ќе се движи од 16 до 22 степени Целзиусови.
