Времето денеска ќе биде нестабилно, претпладне сончево со мала до умерена облачност, а попладне најпрвин на запад, а потоа на повеќе места ќе има пороен дожд (над 20л/м2), грмежи и засилен ветер. Локално е можна и појава на невреме со град.
Утринските температури ќе се движат од 8 до 15 Целзиусови степени, додека дневните ќе бидат во интервал од 17 до 27 степени.
Во Скопје и околината слично време со дневна температура до 24 степени.
УВ индексот ќе изнесува 6.
Од утро ќе следи период на ветровито време со умерен до засилен ветер од југозападен и западен правец, кој ќе биде најизразен на повисоките места и на планините. За време на викендот во попладневните часови ќе има изолирана појава на краткотраен пороен дожд и грмежи.
