Парфимерија во Обединетите Арапски Емирати тврди дека го создаде најскапиот парфем во светот, наречен Shumukh. Креаторите на парфемот тврдат дека на него работеле 3 години.
Парфемот доаѓа во шише направено од италијански кристал, украсено со златен сокол, арапски коњи, рози и глобус. Содржи 3.571 дијамант, џиновски бисери, два и пол килограми 18-каратно злато и повеќе од пет килограми чисто сребро. Со ова шише, креаторите сакаат да ја раскажат приказната за Дубаи.
Парфемот содржи сандаловина, мошус, иланг-иланг, турски рози, индиски агар и пачули. Не е познато кога ќе се најде во продажба. Парфемот чини 1,295.000 долари за три литри. Нанесен на кожата трае подолго од 12 часа.
Според Гинисовите рекорди, најскап парфем во светот е Clive Christian No.1 Imperial Majesty, лансиран во серија од 10 шишенца во 2005 година кои чинеа по 205.000 долари за 500 милилитри.
