Приказната за бездомникот од Филљделфија, Џони Бобит Џуниор, кој преку кампања требаше да добие повеќе од 400.000 долари, испадна дека е чиста лага.
Минатата година во октомври Кејт Меклур и Марк Дамик започнаа онлајн кампања за собирање пари (GoFundMe) и за помалку од 6 месеци собраа повеќе од 400.000 долари за бездомникот Џони Бобит. Меѓутоа, во август Бобит покрена тужба против парот тврдејќи дека добил само 75.000 долари.
И додека јавноста го осуди младиот пар поради сторената неправда кон бездомникот, сега е откриено дека и самиот Бобит бил учесник во измамата. На прес-конференција обвинителот Скот Кофина изјави дека оваа приказна звучела премногу добро за да биде вистина.
„За жал, така испадна на крајот. Целата кампања е темелена на лаги. Прекршени се закони и ќе има последици“, изјави Скот.
Џони Бобит е уапсен во Филаделфија и сега е го притвор. Дамико и Меклур се предадени на властите, но набргу се пуштени од притвор. Сите се обвинети за измама и кражба. Се претпоставува дека целата кампања е однапред смислена уште пред иницијативата да биде покрената на Facebook. Всушност, парот го запознал Џони во близина на казино кое редовно го посетувале.
Џони е навистина ветеран и бездомник, но приказната за горивото и за 20 долари е измислена. Сагата на тројцата Американци започна во ноември, 2017 година кога Меклур ја започна кампањата со приказната како бездомникот ѝ ги дал неговите последни 20 долари за таа да стави гориво во автомобилот. Повеќе од 14.000 луѓе донирале за кампањата.
Ако бидат прогласени за виновни, секој од нив би можел да добие затворски казни од 5 до 10 години.